DAGRAU HIRAETH.
~~~~~~~~~~~~~~~~~~~~~~~
DAETH i'm meddwl ryw ddiwrnod
Edrych dros fy oes, fel cyfnod—
Lawn o freintiau, roddwyd imi,
Gan fy anwyl Briod Iesu.
Cofiais lawer o'r Cenadon
A fu'n galw arnai'n ffyddlon;
Erbyn heddyw wedi huno,
Yn eu beddau yn noswylio.
Cofus genyf imi wrando
'R oll a enwaf wrthych heno,
O fewn tri'gain o flynyddau,
Rhai o honynt amryw weithiau.
Er eich mwyn y plant sy'n codi―
Dyna pa'm yr wyf yn eu henwi,
Fel y gwypoch am y cewri
Fu'u llafurio gynt yn Nghymru.
Gwir fod rhai o'r cedyrn cynta'
Wedi bod yn gweithio yma,
Rai blynyddau cyn fy ngeni,
Gwyr a wnaeth i'r ddaear grynu.
Cly wais sôn am Howell Harris,
Daniel Rowland, Howell Davies,
Robert Roberts, Jones, Llangana,
Peter Williams, Charles o'r Bala.
William Williams, Pantycelyn,
David Charles o Sir Gaerfyrddin,
Griffith Jones, a'r Ficar Prichard,
Oe'nt ganwyllau'n llosgi'n danbaid.
