Prawfddarllenwyd y dudalen hon
Iaith araul, a'r iaith orau,—iaith gudeg;
Iaith gadarn ei seiliau;
Iaith fy nhud, iaith fy nhadau,
Iaith bêr oll, iaith i barhau.
Iaith burach, gryfach na'r Gryw,—iaith anwyl,
Iaith hyna'n bod heddyw;
Cadarn a didranc ydyw,
Iaith fu, sydd, ac a fydd fyw.
Y Gymraeg, digymar yw—iaith hydrefn
A iaith ddidranc ydyw;
Hon fu, sydd, ac a fydd fyw
Er estron a'i fawr ystryw.
Y TYLWYTHION TEG.
AR fin yr hwyr, o fewn rhos,—draw gwelais
Drigolion y gwyllnos;
Mewn twll niwl a'u mentyll nos,
Yn gwylltdroi'u dawns trwy y gwelltros.
