Prawfddarllenwyd y dudalen hon
Ar ol yr wyn hyd lethrau bron,
Y rhedem ar ein hynt;
Nid mwy diniwaid hwy na ni,
Yr hen amser gynt.
Dod law mewn llaw, &c.
Ar ol y gad ymhell o dre,
Y rhoisom lawer hynt,
Ac ofn wynebu cartre'n ol,
Yr hen amser gynt.
Dod law mewn llaw, &c.
A lluniem ryw ryfeddod fawr
A welsem ar ein hynt,
I foddio'n mam rhag cerydd hon,
Yr hen amser gynt.
Dod law mewn llaw, &c.
Pa fodd y dichon fynd ar goll
Un rhan o'r mabol hynt?
Tra cofiaf sill am danat ti,
Bydd cof o'r amser gynt.
Dod law mewn llaw, fy nghyfaill llon,
Aed gofal byd gan wynt,
Ni wnawn yn llawen heno er mwyn
Yr hen amser gynt.
