𝔏𝔩𝔶𝔱𝔥𝔶𝔯 10.
At WILLIAM MORRIS.
GAREDIG SYR A'M HANWYL GYDWLADWR, LLYMA eich epistol o'r 30n o Ragfyr o'm blaen, a chan diolch am dano. Da ydyw'r newydd fod y teulu ieuaingc wedi dyfod trwy y rhan gwaethaf o'r frech wen. Mi ddymunwn, pe mynnai Dduw, fod fy neu—fab innau yn yr un cyflwr. Mae yr frech wen, er nad gwyn ei gwaith, yn britho llawer wyneb yn y parthau hyn, ac yn priddo rhai, er na channadhaodd Duw iddi etto ymweled a'm teulu i. Diolch am y canu Coch. Mi dygaswn fod Huw yn lewach dyn na hyn. Ni thalai fy Nghywydd i gaccymwcci; a hwn ynteu, rhyngoch chwi a minnau, nid yw ond
Cywydd o waith prydydd pren—
Bawach na gwaith Mab Owen;
ond gobeithio yr wyf fod fy Nghywydd i yn beth gwell yr awrhon, nag oedd pan yrrais ef i chwi; oblegid mi a newidiais gryn ddarn o honaw cyn ei yrru i Allt Fadog ac i'r Navy Office. Mi glywais o Allt Fadog ddwywaith er pan ysgrifenais attoch o'r blaen. Yn y diweddaf onid un o Allt Fadog yr oedd atteb oddi wrth Mr. Meyrick o Fodorgan, nad oedd wiw meddwl am Gristiolus. Felly dalied yr hen Gorph ei afael yn y pared yr hyd a fynno, Mae genyf gan diolch i Mr. Ellis am ei ewyllys da. 'Rwyf yn coelio mai gŵr o'r mwynaf yw i'r sawl. a'i deallo; a thybio yr wyf, pe buasai gas genyf ef, yr hyn ni bu erioed, y gwnaech imi ei hoffi heb y gwaethaf imi. Peth mawr yw clywed geirda i un gan wyrda fal chwi ac eraill a ellir eu coelio. Mi wn na chair clod gan y cyfryw heb ei haeddu; o herwydd fod pob gŵr da uwchlaw rhagfarn a gwêniaith. Ni fynnwn i iddo er dim gymmeryd trafferth arno i chwilio am Bentiriaeth i mi. Fe allai y darparai Dduw imi rywbeth cyn bo hir. Nid wyf ar fedr aros yma ond lleiaf fyth ag a allwyf: ond gwell aros yn unman na drwgrodio.
I would not have him bespeak or engage anything for me; for that may disappoint somebody. All that I desire is, to
