Canasant eto wrth adael y pentref—tôn wahanol y tro hwn:
![](http://upload.wikimedia.org/wikipedia/commons/thumb/8/82/Plant_y_Goedwig_%28page_43_crop%29.jpg/400px-Plant_y_Goedwig_%28page_43_crop%29.jpg)
Canodd Mapoma y llinell gyntaf, ac ymunodd y lleill yn y cytgan.
Daethant yn fuan at afon arall, un ddofn iawn, ac arhosodd y dynion heb wybod pa beth i'w wneud. Pa sut y dywedent wrth y Fama fod yn rhaid iddi ddod allan a cherdded drosodd? Yr oedd y dynion gwynion ereill wedi mynd ymlaen. Dywedodd Mapoma y ceisiai ef roi ar ddeall iddi.
Plygodd at y machila a dywedodd:
"Mukwai—bulalo—imeni." (Mama—pont—dewch allan.)
Edrychodd Mair arno gan ysgwyd ei phen.
Dywedodd drachefn: "Bulalo menshi — imani mukwai."
Y tro hwn cyfeiriodd at rywbeth.
Daeth Mair allan. Gwelodd afon ond ni welodd bont. Beth bynnag, cerddodd i lawr at yr afon drwy goed oedd mor dal ac agos at ei gilydd nes cau