𝕯AWN Ner a fedd gwŷr Dinorwig—a'u plant,
Yn eu plwyf mynyddig;
Yma trwy y cwm y trig,
Am oesoedd, sain eu miwsig.
Llanberis allan y bwria—'r odlau
A'r hyawdledd pura,
Mewn trefn, o blith meini, tra
Bo'r drumog, yddfog Wyddfa.
Meithrinwyr dinam Athroniaeth—ceiswyr
Cyson Dduwinyddiaeth,
Urddedig bendefigaeth
O ddysg, i Ddinorwig ddaeth.
Tra'n rheieidr fel teirw'n rhuo—tra niwloedd
Y nefoedd yn nofio,
Tra môr yn taer ymwrio.
Rhes o feirdd yn Mheris fo.
Oni cheir yn y chwarel,—yn union.
Yn nannedd pob awel,
Wyr hoff yn caru hel —gwybodaethau,
A gwyr o achau campwyr goruchel?
Er hired tymhorau oerion,—er twrw
Mawr toriad ergydion,
Gwledd fo hyd y gloddfa hon—i'n hawdwyr,
A llu o noddwyr fo i'n llenyddion.
Dyma wlad wrth ddymuniadau—llenwyr,
Mae'n llawn rhyfeddodau;
