Fe eilw nes yw'r ynys
Yn datsain dros y don.
"O'th ogof, dreisiwr," meddai ef,
"Rhyddha fy merch i mi!
Ei thelyn hi a'i pheraidd lef
Oedd braint fy henaint i;
O'r ddawns ar lan flodeuog
Drwy drais y dygaist hi;
I ti mae gwarthrudd euog
A phlygu 'mhen 'rwyf i."
Ar hyn y treisiwr yntau'n hy
O'i ogof allan daeth,
A chwyfio'i gawraidd gleddyf fry
A tharo'i darian wnaeth;
"Mae iti lu o wylwyr,
Pam y'th adawant di?
Onid oes un o'th filwyr
A ymladd erddi hi?"
A mud yw'r llu ac ni ddaw un
Ymlaen ohonyn' hwy;
Medd yntau'r Brenin Dall ei hun.
Ai unig ydwyf mwy?"
Ond ar ei fraich mae gafael
Ei fab ieuengaf ef:
"Gad imi yr ymrafael,
Y mae fy mraich yn gref!"
"O fab! mae'r gelyn megis cawr,
Nid oes a'i ceidw draw!
Ond ynot ti mae mêr y dewr,
Mi wn wrth bwys dy law;
