Awdl VI

gan Hywel ab Owain Gwynedd

Pan vei lawen vrein, pan vrysyei waed,

pan wyar waryei,

pan ryuel, pan rudit e thei,

pan rudlan, pan rudlys losgei,

pan rudam rudflam flemychei hyt nef,

yn addef ny noddei;

hawd gwelet goleulosc arnei

o Gaer Wenn geir emyl Menei.

Treghissyant trydydyd o uei trychanllog

yn llyghes vordei,

a deckant kynran ay kilyei

kyuaryf heb un varyf ar Venei.