Awdl i Foredydd ab Llewelyn, o uwch Aeron

gan Deio ab Ieuan Du

Mae M'redydd ddeurudd Aëron, ab Cynfarch

yn canfod Cerddorion;

mae'r Aur Rhudd, mawr a rhoddion.

Melys yw, canmol a Sôn!

Mawr yw Son, Beirddion, am en bûdd a'u Gwin

ag ynnil dadanudd;

mawr ydyw'r dawn Meredudd!

mwy yw'r Gras, ymrïg ei Rudd.

Meredudd deurudd y Cerddorion

arno, Gwyl Iago, mae golygon?

gwirod taladwy, a gae'r Tlodion,

gwïn Osai, a fydd gam ei Weifion;

gwïn, o Gaerfyrddin, i feirddion, a Chlêl

gwedi i'r haedder, gydâ rhoddion.

Gweldd Fyrddin, a'i chwaer gwelodd Feirddion,

seigiau ar ddrysau, heirdd a roeson;

y Llynn Arogl, llyna yr Awron,

i'r Cwmmwd Perfedd, gwledd golyddon:

Drysau, Neuaddau, newyddion ,bob dau,

y Bwydau, a'r Seigiau'n wresogion.

Irlwyn, Ifor Hael, ar lann Afon,

ym Morgannwg.. gynt muriau gwynnion;

Tai Carrig ymrig, Ceredigion,

ynglann Massaleg, ag Anrhegion;

Tir Padarn, a farn, hyd Fon, mam Gymry

a Gwr a ddyry, i Gerddorion.

Pan ballai ereill, o'r cyfeillion,

yno y rhoddai, ynn' Aur rhuddion;

Nid unrhyw, yr Yw, a gwydd yr Onn,

nid ydyw'n debyg Pendefigion;

nid un fydd crynwydd, crinion, heb gynnydd

bennydd ag Irwydd, a ddwg Aëron.

Meredudd, yw Nudd, Awenyddion,

mawr ydyw heddyw, dy Wahoddion!

mab LLewelyn, llynn, y dillynnion,

mae rhif y gwlith, o bur Fendithion;

mae Ced, a gwiwged, Gwgon a'i Gleddrudd.

meredudd, waywrudd, un o'i Wyrion.

Iawn yw ynn' goffa ein hen gyffion,

ach Llowdden, a Gwenn, hyd ar Ganon;

iawnach yw euro, yn Uwch Aëron,

na llawer marchog Ynghaer Llëon;

uchel iawn ydyw ei wychion belydr,

o'i Achau gwelydr, uwch eu galon.

Calon Uwch Aëron, a chiried, bîoedd

hyd Bowys gwlad Ddyfed:

Cnewyllyn Cynfyn, pob Ced,

cawn o'i fodd, cynn Ufudded.

Maredudd, Ufudd, ddefod, hael wellwell

hil Olwyn ab Cadrod;

mae yn rhwym, mewn rhyw Ammod,

morc i'r Glêr, mawr i cae'r glôd!

Af a'i glod, mal ôd, mawr wydd, drwy Battent

Talu Rhent tâl Aur rhudd;

af i'w Blas ef heb o ludd,

af a'r Awdl, i Feredudd.