Barddoniaeth Goronwy Owen (gol Llyfrbryf)/Ateb i Ieuan Brydydd Hir
| ← Pedwar Englyn Milwr | Barddoniaeth Goronwy Owen gan Goronwy Owen golygwyd gan Isaac Foulkes |
Darn o Awdl i Dywysawg Cymru → |
YR IEUAN.
Nid atepawdd mo'r Cywydd, t.d. 30, namyn gyru gyda WILLIAM FYCHAN, Esq., o Gorsygedol, yn mhen pedair blynedd, bedwar Englyn Milwr [uchod] i'm hanerch i Lundain; a'r Awdl hon a gafodd yn ateb iddynt, 1756.
[Dernyn a ganwyd gan fardd i fardd ydyw hwn a'r uchod; ac annyall eu geiriau i'r cyffredin.]
A'M rhoddes Rheen riaidd anrheg.
Anian hynaws, asgre faws fwyndeg,
Araf iaith aserw, ddichwerw chweg-awen,
A gorau llen, llefn Frythoneg.
Neat wyt gyfeillgar, car cywirdeg -ddyn,
Neud wyf gas erlyn, gelyn gysteg.
Mi piau molawd, gwawd Gwyndodeg,
Gnawd ir a folwyf fawl anhyfreg,
Haws ym llaweh hydr no chyhydreg-â mi,
Hanbyd om moli mawl ychwaneg.
Ceneist foliant fal nad attreg-ym hwnt
Dy foli, pryffwnt praff Gymraeg.
Wyt berchen Awen ben, baun hoendeg,
Wyt ynad diwad Deheubartheg,
Odid hafal, hyfwyn osteg,-i ti,
Blaenawr barddoni, bri Brythoneg.
Gwelais ofeirdd, afar waneg,-o wŷn
Yn malu ewyn Awen hyllgreg.
Neu mi nym dorfu dyrfa ddichweg
Beirdd dilym, dirym diramadeg;
Ciwed anhyfaeth, gaeth ddigoethdeg-leis,
Sef a'u tremygeis megys gwartheg;
Gweleis feirdd cywrein, mirein, mwyndeg;-lu
Moleis eu canu, cynil wofeg.
Er a ryweleis, ceis cysondeg,
Ny weleis debyg dy bert anrheg,
Ieuan, mwy diddan no deuddeg-wyt ym,
Fardd, erddrym, croywlym, grym gramadeg.