Beirdd y Bala/Gadael Gwlad

Beirdd y Bala

gan Charles Saunderson (Siarl Wyn o Benllyn)

golygwyd gan Owen Morgan Edwards

GADAEL GWLAD.

Ar y dôn "AR HYD Y NOS."

Yn fy mron y mae trychineb,
Wrth adaw 'n gwlad,
Rhed afonydd hyd fy wyneb,
Wrth adaw 'm gwlad,
Gadael rhiaint hoff caruaidd,
Gadael hen gyfeillion mwynaidd,
Gadael gwlad yr awen lathraidd,
Wrth adaw 'm gwlad.

Gadael gwlad y telynorion,
Trwm yw i mi,
Gadael glân rianod Meirion,
Trwm yw imi,
Gadael Gwenfron, gadael Gwyndyd,
Gadael pob diddanwch hyfryd,
Yn eu lle cael môr terfysglyd,
Trwm yw i mi.

Beirdd y Bala/Gadael Gwlad

Nodiadau