Caniadau John Morris-Jones/Mi wyddwn iti 'ngharu

← Crwydraf y freuddwydiol goedwig

Caniadau John Morris-Jones gan John Morris-Jones

Yr eneth ger y waneg →

XXXII

Mi wyddwn iti 'ngharu,
A hyn wybûm yn hir;
Ond pan addefaist imi,
Daeth arnaf fraw yn wir.

Dringais y bryn a chenais
Yn orfoleddus iawn;
Cyrchais y môr ac wylais
Wrth fachlud haul prynhawn.

Mae 'nghalon fel yr huan
Pan elai'n dân i lawr,
Mewn môr o serch y sudda
Mor brydferth ac mor fawr.