Caniadau John Morris-Jones/Yr Afonig
| ← Y Morgrug | Caniadau John Morris-Jones gan John Morris-Jones |
Fy Mreuddwyd → |
YR AFONIG
Mae 'nghalon, lân afonig,
Yn dilyn dawns dy li;
A dedwydd iawn wyf innau—
Dy gân a'm llonnodd i.
A dedwydd iawn wyf innau
Yn canu gyda thi;
Mae llon feddyliau ynof
Yn dilyn dawns dy li.
Mae llon feddyliau ynof—
Dy gân a'm llonnodd i;
Mae 'nghalon, lân afonig,
Yn canu gyda thi.