Acenau byw eu cân bêr Ehed heibiaw hyd Aber,[1]—
Tora, ergydia gwedyn,—o'r graig draw
Lais eu holl alaw hyd Lys Llewelyn!
A'r Gogarth dros ferwawg eigion—eto Ateb y caneuon; O'r cynwrf, clyw'r acenion Yn chwarau 'n Nghymydau Món.
Eilia hen Garnedd Llewelyn—ei Salm Hefo 'r sêr a'u hemyn,— Y gadarn Wyddfa gwedyn. Eilia gerdd hefo 'r haul gwyn!
Ogylch erglywch erddygan—mynyddoedd
Ar loew nenoedd orielau anian!
Ac adgaine eu mwyn gydgor—luchia dân
Byw awengan i Eisteddfod Bangor.
Y Werddon heddyw a arddel—urddas Ei cherddi aruchel,— Am fwynhau y mydrau mel Gwaeddi y mae pob Gwyddel.
Ac ato daw yr Yscotyn—enwog, A'i liniau 'n noeth lymyn,— Dychlama, dawnsia y dyn, Dwla wrth lais y delyn.
Yn lle tinc arf hyd greigiau Arfon—serth Ceir swn telynorion,— Ac ar benau meinciau Môn, Ceir alaw 'n lle cwerylon!
Yn Mangor Fawr mae cawri,
Cymrodwyr Frawdwyr o fri,—
Gwyr llawn dysg, ac Iarllon da,
Yw Gwylwyr Athen Gwalia.
Gedyrn athrawon dysgeidiaeth, enwog Gyfranwyr gwybodaeth,— Cyfodwch a choethwch chwaeth Teilwng o freintiau 'n talaeth.
I deilwng ysbrydoli Holl elfen ein hawen ni,—
Didwyll ysbrydion hen dadau—y beirdd Ar ben y mynyddau, Ront glod i'n Heisteddfodau,—clywch berdant Eco eu moliant goruwch y cymylau!
Er huno y gwyr anwyl, Awenog hen gawri 'n gwyl,—
Dyrch o glogyrnog gernydd—Arfon wèn,
Broydd hen Awen, y Beirddion newydd.
A mawrhydi Cymrodwyr, Beiddiwn waith, a byddwn wyr.
Ail gyfyd måd Feirniadon—bendigaid,
A daw Homeriaid o ludw y meirwon!
Gwelwch engyl yn gwyliaw
Ein drych yn yr wybren draw,—
Amneidiaw maent yn llawen
Heddyw ar ein Gorsedd wèn.
Rhag tynged y melltigedig—wawdiwr A'i giwdodau ffyrnig;
Trwy ruchion melldithion dig,—o gernydd,
Holl furiau 'r caerydd llefara 'r cerig!
Yn arwydd ein gloewon eiriau—ymffrostiwn,
Yn llu ymunwn dan ein llumanau,—
Yn Mangor gwnawn ein gorau—fel brodyr—
Byw eon arwyr dan ein banerau.
Dan farn daw'r Wyddfa 'n garnedd—a'i hesgyrn A losga cynddaredd,— Cyn y llosgir, syflir sedd Gwroniaid y gwirionedd.
Daliwn heb flinaw 'n ddiwyraw ddewrion,
Dros hawliau breiniawl, dwyfawl ein defion,—
Yn galonog plygwn ein gelynion,
Oll yn arwyr ar faesydd llenorion,—
Heb ruthiau, fel Brython,—hyd wybrenydd,
Codwn ein Caerydd,—cadwn ein Coron.
.jpg)