Diliau Meirion Cyf I/Rhydymain, Meirionydd

← Y diweddar Robert Roberts, Caergybi

Diliau Meirion Cyf I gan Morris Davies (Meurig Ebrill)

Fflangell i Borthweision →

RHYDYMAIN, MEIRIONYDD

Yn Rhydymain gain deg wedd—pregethir
Pur goethwych wirionedd,
Efengyl eryl eurwedd,
Gan ffyddlon genhadon hedd.

Yno ceir dan wên cariad—iawn frodyr
Unfrydol yn wastad,
Rydd ddilys wir addoliad
I Dduw Nêr, y Muner mâd.

Ymgynnull mae ugeiniau—yn fynych
O fewn i gynteddau
Tŷ Iôr hedd, i gael gwledd glau
Yn ei waed i'w heneidiau.

Yno ca'dd llawer enaid—ei gynnal,
A'i gânu yn delaid;
Duw'r heddwch o'r llwch a'r llaid—a'u cododd,
Fyny eu dygodd i'r nef fendigaid.

Diattal parhaed etto—yr achos,
I oruchel lwyddo;
Dyger i dŷ Duw Iago
Holl ddynion y freinlon fro.