Dyddanwch yr Aelwyd/Gadael Cymru

Dyddanwch yr Aelwyd

gan Hughes a'i Fab, Wrecsam

GADAEL CYMRU.

Yn fy mron y mae trychineb,
Wrth adaw'm gwlad,
Rhed afonydd hyd fy wyneb,
Wrth adaw'm gwlad,
Gadael rhïaint hoff caruaidd,
Gadael hen gyfeillion mwynaidd
Gadael gwlad yr Awen lathraidd ,
Wrth adaw'm gwlad.

Gadael gwlad y telynorion ,
Trwm yw i mi,
Gadael glân rïanod Meirion,
Trwm yw i mi,
Gadael Gwenfron, gadael Gwyndyd,
Cadael pob diddanwch hyfryd,
Yn eu lle cael môr terfysglyd,
Trwm yw i mi.

Nac anghofiwch , hen gyfeillion,
Un fydd ym mhell,
Nac anghofiwch Gyfaill ffyddlon ,
Pan fo ym mhell;
Chwi rïeni llawn o rinwedd,
Pan f'och wrth y bwrdd yn eistedd,
Cofiwch un oedd yna llynedd,
Pan b'wyf ym mhell.

Ar nosweithiau oer tymhesglog,
Ow! cofiwch fi.
Fydd ar donau môr cynddeiriog,
Ow! cofiwch fi;
Pan bo'r gwynt a'r môr yn swnio,
Mellt yn gwau, taranau'n rhuo,
Gwedwch, "Iach yw Charles gobeithio!"
'N iach oll i chwi.

—SIARL WYN O BENLLYN .

Dyddanwch yr Aelwyd/Gadael Cymru

Nodiadau