Dyddanwch yr Aelwyd/Y Milwr Ieuangc idd ei Gariad

← Can Doli

Dyddanwch yr Aelwyd gan Hughes a'i Fab, Wrecsam

Hiraeth y Bardd am ei Wlad →

Y MILWR IEUANGC IDD EI GARIAD.

Anwylyd dere i'r glas lwyn,—fy nghariad wiw,
Rhodiwn hyd y llwybrau mwyn,—fy nghariad wiw,
Lle mae'r rhosyn coch mor gu
Yn gwyllt darddu ar bob tu,
Y'mhell o dref ai phrysur lu,—fy nghariad wiw,

Ni awn heibio'r bwthyn gwyn,—fy nghariad wiw,
Sydd yn gwenu'n ngodreu'r llyn,—fy nghariad wiw,
Lle cawn wrandaw rhuad certh
Y pistyll dros y mynydd serth,
A chynghanedd fwyn y berth,—fy nghariad wiw.

Ac i'r deildy ir yr awn,—fy nghariad wiw,
Lle cawn adrodd calon lawn,—fy nghariad wiw,
Ceincia'r adar fry'n ddigwyn,
Oedfa gawn o gwmni mwyn,
Plethwn goron blodau'r llwyn,— fy nghariad wiw.

Ond ffarwelio raid, oer friw,—fy nghariad wiw,
Gadael dy gwmniaeth wiw,—fy nghariad wiw,
Canu'n iach â glanau'r llyn,
Y ddol, a'r bwth, a godreu'r bryn,
Lle y crwydrem ni cyn hyn,—fy nghariad wiw,

Tynged arw sydd i'm bron,—fy nghariad wiw,
Hollti, braidd' mae'm calon hon!—fy nghariad wiw,
Cyn i'r weddus wawr ddeffroi
Yfory' rhaid im' ffarwel roi,
Ac o'm cartref anwyl droi,—fy nghariad wiw,

Pan rwy'n mhell mewn estron wlad,——fy nghariad wiw
Ac os cwympaf yn y gâd,—fy nghariad wiw,
Wnei di, Gwen, anwylgu fwyn,
Wylo deigryn er fy mwyn,
Ac er cof gyfodi cwyn,—fy nghariad wiw.

—GWENFFRWD.