Dyma babell y cyfarfod
| ← Golau a nerthol yw ei eiriau | Dyma babell y cyfarfod gan Ann Griffiths |
Dyma frawd a anwyd inni → |
207[1] Pabell y Cyfarfod
87. 87. D.
1 DYMA babell y cyfarfod,
Dyma gymod yn y gwaed,
Dyma noddfa i lofruddion,
Dyma i gleifion Feddyg rhad;
Dyma fan yn ymyl Duwdod
I bechadur wneud ei nyth,
A chyfiawnder pur y nefoedd
Yn siriol wenu arno byth.
2 Ffordd a drefnwyd cyn bod amser
I gael dihangfa o ddrygau'r ddraig;
Mewn addewid gynt yn Eden,
Fe gyhoeddwyd Had y wraig;
Ffordd i gyfiawnhau'r annuwiol,
Ffordd i godi'r meirw'n fyw;
Ffordd gyfreithlon i droseddwyr
I hedd a ffafor gyda Duw.
Ann Griffiths
Ffynhonnell
golygu- ↑ Emyn rhif 207, Llyfr Emynau y Methodistiaid Calfinaidd a Wesleaidd 1930