I Wallt Merch

gan Dafydd ab Edmwnd

A gai’i’r ferch a garaf i?

A ga’i lwyn y goleuni,

a’i brig sirig fal seren

awyr, a physt aur o’i phen?

Tân draig yn tywynnu drws,

tair tid fal y Tŵr Tewdws

Enynnu bydd yn un berth

o nen gwalc yn un goelcerth.

Banhadlen neu fedwen fawr,

benfelen bun o Faelawr.

Lleng eiliw llu angylion,

llawer cainc yw llurig hon;

penwn o blu pawn un blaid

perth hir fal y porth euraid;

hyn o wallt hoyw iawn ei wedd,

haul rhin, haul rhianedd.

Pawb a ŵyr, pr bai eurych,

pwy biau’r gwallt pybyr gwych.

Y mae a pheth am ei phen

yr haffal y Rhiw Felen.

Teg o dwf yw twyg y dyn,

tent haul fal tannau telyn;

brig ŷd wedi ‘i beri i gau,

brwyn bilion fal bron belau;

peunes yn dwyn pob unawr

banadl wallt o ben hyd lawr;

gwydn gwefr i gyd yn gwau,

gold ŷd fal gwiail didau;

coed yw ei gwallt cyd a gwŷdd,

coron wiail cŵyr newydd.

Eginodd gwaith y gwenyn

egin tes o gnawd dyn,

saffrwm ar lysiau effros,

sirian aur fal sêr y nos.

Da fu’r rhimp ap dwf yrhawg,

Dyfrwelltir, deiffrwallt eurawg;

lleisw a’i gwlych fal llysiau glân,

llinos iad, llwyn o sidan.

Ysgub fanadl Fair fadlen

yw’r rhimp aur yn rhwymo pen;

ac yn rhudd o gawn rhyddwallt,

yn aur y gwisg own o’r gwallt.

Ei dwy dofl ydyw i gyd

o do aur a dau wryd;

llywethau teg llwyth iad dyn,

llin ymlaen llwyn mwlynyn.

Aur yw’r llwyn o’i roi ar lled:

a fu lwym cyn felyned?

Er mwyn bod o’r maen bedydd

ôl ar ei phen olew’r ffydd,

a rhoi I lwyn yr haul einioes

rhyw lwyn dan yr haul nid oes.