Marwnat Owein

gan Taliesin

Eneit owein ap vryen.

gobwyllit y ren oe reit.

Reget ud ae cud tromlas.

nyt oed vas y gywydeit.

Iscell kerdglyt clot uawr

escyll gawr gwaywawr llifeit.

canycheffir kystedlyd.

y vd llewenyd llatreit.

Medel galon geueilat.

eissylut y tat ae teit.

Pan ladawd Owein fflamdwyn.

Nyt oed uwy noc et kysceit.

kyscit lloegyr llydan nifer

a leuuer yn eu llygeit.

A rei ny ffoynt hayach.

a oedynt [hya]ch no reit.

Owein ae cospes yn drut

mal cnut [y]n dylut deueit.

Gwr gwiw uch y amliw seirch.

a rodei veirch y eircheit.

kyt as cronyei mal calet.

ny rannet rac y eneit.

Eneit. O. ap vryen.

Ffynhonnell: Llyfr Taliesin