O! Tyred, Arglwydd mawr
| ← Iachhawdwr dynol-ryw | O! Tyred, Arglwydd mawr gan William Williams, Pantycelyn |
Arhosaf ddydd a nos → |
| Mynegai Llyfr Emynau y Methodistiaid Calfinaidd a Wesleaidd 1930 |
146[1] Rhinweddau'r Groes.
664. 6664.
1 O! TYRED, Arglwydd mawr,
Dihidla o'r nef i lawr
Gawodydd pur;
Fel byddo'r egin grawn,
Foreddydd a phrynhawn,
Yn tarddu'n beraidd iawn
O'r anial dir.
2 Mae peraroglau gras
Yn taenu o gylch i maes
Awelon hedd;
Estroniaid sydd yn dod
O'r pellter eitha 'rioed,
I gŵympo wrth dy droed,
A gweld dy wedd.
3 Mae tegwch d'ŵyneb-pryd
Yn maeddu oll i gyd
Sy ar ddaear las;
Mae pob rhyw nefol ddawn
Oll yno'n gryno lawn,
Yn tarddu'n hyfryd iawn
O'th glwyfau i maes.
William Williams, Pantycelyn.
Ffynhonnell
golygu- ↑ Emyn rhif 146, Llyfr Emynau y Methodistiaid Calfinaidd a Wesleaidd 1930