Rhigymau'r Ffordd Fawr/Chwilio Gem a Chael Gwmon

← Y Garreg

Rhigymau'r Ffordd Fawr gan Dewi Emrys

Ffos Clawdd →

CHWILIO GEM A CHAEL GWMON.

Llon y chwibanai ar lethr y mynydd
Heb syllu'n ôl ar y llygaid taer.
Dringai a'i galon yn llawn breuddwydion,
A'i waled arni yn llawn o aur.
Dringai a'i fryd ar ryw deg ystâd,
A'i gefn yn gwmwl ar dŷ ei dad.

Uchel y chwarddai ym merw'r loddest
Lle mwrdrir cwsg tan bileri'r dref,
A ffalster pethau a fu'n forynion
Yn cadw'n effro ei drachwant ef.
Hawsed yno ymhell o'i wlad,
Oedd prynu traserch ag aur ei dad!

Gwelais ef neithiwr ar fainc ddiargel
Yn crynu'n nychlyd mewn carpiau oer.
Ni chaffai mwyach nac aur nac arian
Namyn yr arian a gollai'r lloer.
Drud fu machnaty rhinweddau rhad,—
Prynodd ei dlodi ag aur ei dad.