Os cei di eto fendio
A rhodio i Seion lân,
Gan lawen foli'r Iesu
Mewn geiriau pert a chân;
Fydd hyn ond dros fyr amser,
'Dyw einioes dyn ond brau,
Ein dyddiau cysgod ydynt,
Cawn fyned adre'n glau.
Ond p'am na chei di fendio,
A ph'am dioddefi'n awr,
A thithau'n gyfaill ffyddlon
I'r Iesu'r meddyg mawr?
Y dall, y mud, a'r byddar,
A'r cloff iachaodd Ef;
O Iesu, iachâ Ioan,
A gwrando ar ei lef!
MADRYN.
.jpg)
