Tudalen:Ap-Vychan-CyK.djvu/115

A thrwyadl les i'r athrawon,—a lles
Llawn i'r ysgolheigion;
Gwir afael i'n gwyryfon—a'n llanciau
Ar Dduw a'i ddoniau'n fil myrdd i ddynion.

Athrofa wna waith rhyfedd—yw'r ysgol,
Heb na rhwysg na mawredd,
Drwy hon y pelydra hedd—o'r nefar
Deulu daear, nes delo y diwedd.

Chwi sydd ar wasgar, i'r ysgol,—da chwi!
Deuwch oll yn unol;
Eniller iddi'n hollol
Bob un, heb yr un ar ol.

Y WRAIG RAGOROL.

Mrs. Jane Edmunds, Ucheldref, ger Corwen.

𝕸AE hi'r wraig ragorawl
Wedi mynd i wlad y mawl,
Uwch hauldro, o'r Ucheldref,
I'w phalas yn nheyrnas nef.
Ein chwaer weddw uwchraddol,
Yn nyddiau neb ni ddaw'n ol;
Ond yn ei theg, loewdeg lys,
Nid gweddw ydyw, gwyddys.
Wedi i'r corff gwelw orffen
Teithio'r byd,—pob taith ar ben,
Yr enaid yr awr honno
Elai i fraint y nefol fro.
Ei diwyd blant adawodd,
A phell oddiwrthynt y ffodd,
Eto cofia'u gyrfa gynt,
Hanes pob un ohonynt,