Cynlluniodd, gweithiodd, ac aeth—yn brifwr
Drwy brawf o'i ragoriaeth;
Ennill nod yn y lle wnaeth,
Elai'n wir i'r flaenoriaeth.
Yn yr eglwys cymhwyswyd—ef i swydd
A'i faes a benodwyd;
Dyn heb anhydyn nwyd—oedd o'i faboed,
Iddo erioed yr ymddiriedwyd.
Diacon ffyddlon hoff oedd—a'i enw da,
Yn dwr cadarn ydoedd;
Athraw i adwaen gweithredoedd—gwyr beilch,
I drin y gweilch, wrth droi'n ei gylchoedd.
Magodd ei blant megys—y gwnai'i riaint,
Wrth gynreol ddilys:
Gair Duw—y gair i dywys
Dyn i wlad Duw Ion a'i lys.
Wedi hyn y dihoenodd—yn raddol,
A'i ireiddiwch giliodd;
Ei ffun ddiweddaf a ffôdd,
Gloes wan—ac Ellis hunodd.
Duw a geidw y weddw'n ddiwad—a'i meibion,
Yn mhob du amgylchiad:
Golenni ry rhagluniad,
A threfn iachawdwriaeth rad.
