I GYFARCH Y CYMMRODORION.
Yn Llundain pan y cyflwynwyd iddynt Anerch—Gywydd
gan IEUAN BRYDYDD HIR.
[Y trylen Ganon Silvan Evans gafodd y Ddau Wawdodyn canlynol yn ddiweddar yn mysg ysgrifau'r Prydydd Hir, ac a'u trosglwyddodd i Mr. Jones o Rotherhithe, yn argraffiad yr hwn o waith Goronwy y rhoed hwy, am y gwyddom, gyntaf mewn argraff.]
CALAN Mehefin, hin yn hoeni,[1]
Cein[2] trydar adar, hyar[3] heli;
Cein rhawd cân wasgawd, trawd trwy erddi,
Cein tawel awel o wyrdd lwyni;
Ceinmyccach, mwynach i mi—oedd accen
Cân awen lawen lên barddoni.
Canfum ddillynion gysson gerddi,
Ceinfoes, cân eirioes, eres odli
Ceinfardd Deheudir Hir hoywfri,.
Cywyddwawd moliant a gânt ichwi;
Cyfarch hy barch heb eich coddi,—Frython,
Ceidr Gymmrodorion dewrwych ynni.
MARWNAD LEWIS MORRIS, Ysw.
Gynt o Fon, yn ddiweddar o Allt-Fadog yn Ngheredigion. Pen-bardd, Hanesydd, Hynafieithydd a Philosophydd yr oes a aeth heibio; gwir garwr ei frenin a lles cyffredin ei wlad; a hoffwr, hyfforddwr, a choleddwr ei iaith a'i genedl.
Yn yr awdl hon y mae pedwar mesur ar hugain Cerdd Dafawd; ac mae'r holl nodiadau ynddi o waith yr awdwr, oddieithr y rhai sydd rhwng [ ]
Englynion unodl union.
OCH dristyd ddyfryd ddwyfron!—Och Geli!
Och galed newyddion!
Och eilwaith gorph a chalon!
Och roi'n y bedd mawredd Mon!
