I chwi mae, i'ch cae, uwch cyll,
Geifr, hyfrod, bychod, heb wall,
Llawer mynyn, milyn mwll,
Rhad rhwydd a llwydd ar bob llill.[1]
Mae iwch gaws liaws ar led—eich anedd,
A'ch enwyn[2] cyn amled;
Y mwynwr, er dymuned,
Rhowch im' gryn gosyn o ged.
Cosyn heb un defnyn dwfr,
Cosyn ar wedd picyn pefr,
Cosyn o waith gwrach laith, lofr,
Cosyn o flith[3] gofrith gafr.
Blysig, anniddig ei nâd,—yw meistres,
A mwstro mae'n wastad;
Ni fyn mwy un arlwyad,
Na gwledd ond o gaws ein gwlad.
Myn Mair onis cair y caws
Ar fyr, y gwr difyr dwys,
Ni bydd swydd, na boddio Sais,
Na dim mwy hedd i Dwm Huws.
Os melyn gosyn a gaf,—nid unwaith
Am dano diolchaf;
Milwaith, wr mwyn, y'ch molaf,
Hau'ch clod ar bob nod a wnaf.
ENGLYN A SAIN GUDD YNDDO.
Pwy estyn bicyn i bwll—trybola,
Tra bo i'w elw ddeuswllt ?
Trasyth fydd perchen triswllt,
Boed sych a arbedo swllt.
