Gwirwyd y dudalen hon
UNPETH ER MWYN ENW
CAEL sôn amdano yn y byd
Ydyw uchelgais hwn o hyd.
Nid oes erchylltra na wnâi'r gŵr
Er mwyn gwneud enw a chreu stŵr.
I'r adyn nid yw cael ei grogi
Ar goedd ond cyfle i ymenwogi.
Nid ofna ddim o dan y rhod
Ond cael ei grogi yn ddi-nod.
CWYN CYMEDROLWR
MAE llawer arnaf yn dal gwg
Am yfed glasaid bach neu ddau,
Nid am fod diod yn beth drwg,
Ond am fy mod yn ei mwynhau.
