Gwirwyd y dudalen hon
BOS Y PWLL
BU'N sacio'r gweithwyr, fach a mawr,
I brofi ei safle, 'r adyn crac;
Mae wedi mynd i bwll yn awr
Lle nid oes neb yn cael y sac.
Y GŴR HUNANGAR
Gŵr ydoedd hwn na feddai ffrind;
Ni charodd ond efô ei hun;
Ac ni fu neb yn chwennych mynd
A'i gariad oddi ar y dyn.
Y MARW-NADWR
CANODD farwnadau llu
O Lanandras i Dyddewi;
Yntau 'nawr yn farw sy,
A'i holl nadau wedi tewi.
