Pa le y mae? Nid yw yn awr
Ym mraich ei phríod hyd y dref,
Nid yw mewn bwthyn glân ei lawr
Yn disgwyl ei ddychweliad ef;
Wrth golli priod cu a brawd,
Ymddrysai hi gan fewnol wae;
Anffodion wnaent o honi wawd,
Oes neb a wyr pa le y mae?
Pa le y mae? Nid wrth y bedd,
Yn gwasgar blodau ar ei lwch;
Nid ydyw à galarus wedd
Yn cyfrif mwy ei ebyrth trwch;
Ni chana araf donau prudd,
Mor lawn a'r bedd ei hun o wae;
Os yw goruwch ei ddorau cudd,
Oes neb a wyr pa le y mae?
Pa le y mae? A ydyw hi
Yn crwydro'n unig drwy y byd,
A'i gwefus eto'n arllwys cri,
Orlifa o siomedig fryd,
Heb frawd na phriod wrth ei llaw,
I ymlid drychiolaethau gwae,
A chadw'i bron uwch hud a braw?
Oes neb a wyr pa le y mae?
Oes, y mae UN a edwyn fan
Yr eneth unig, serchog hon;
Gwyr EF yn dda beth yw ei rhan,
Ar wyneb tir neu ddyfnder ton;
EFE a gofia'r cwpan llawn.
A yfodd o waddodion gwae;
A gwylia hi'n ofalus iawn.
A chofia byth pa le y mae.
Pan eilw Duw, i olau dydd,
Y meirw cudd, daw gyda hwy,
Heb gwmwl athrist ar ei gwedd,
A'i chwynion maith ni chana mwy;
