Tudalen:Caniadau Barlwydon Llyfr 1.djvu/20

I ras o'th gyflwr isel, —afradlon,
Cyn y frawdle dychwel,
Dyfod mae'r gawod, O! gwel!—
Rhag ei hawch a'i bar gochel.

Cynghorion Mam, ddinam dda,
A'i llais taer—pwyll ystyria!

Cofio'i haddysg a fyddo yn dy wneyd
Yn well, ac yn deffro
D' ystyriaeth i dosturio—wrth yr hon
A'i henaid hylon a fu'n dy wylio.

Na yrr einioes o rinwedd
Byth yn benllwyd fwyd i fedd,
Dyro barch i'r hon drwy boen—
Yn ddiarbed o ddirboen
Ofala'n dyner filwaith
Am danat a'i llygad llaith.

Nodded i'r Fam fo'n weddw—ry' Duw Ior
Ei darian a'i ceidw;
Hwn a'i gwel pan y geilw
Ni wyra llais "gair y llw."

Duw a wrendy o'i randir
Ar waedd hon a'r weddw wir;
Ior sydd ar yr orsedd wen—
Yno'i hing leinw'i hangen.

Cariad Mam, nid oes cariad mwy, —
Mae o hyd yn anmhlymiadwy
Yn y tân yn y tonau
Pur o hyd y mae'n parhau.