Prawfddarllenwyd y dudalen hon
Gofynai'n fynych, "Beth a ddaw
"O f' anwyl fam yr ochr draw,
"Mi af yn ol i ysgwyd llaw
"A f' anwyl fam ofidus."
Y DYN SORLLYD.
DYN bach—hen gorach di-gariad—hynod
Hunanol ei deimlad;
E fyn hwn yn brif fwynhad,
Sori a pheidio siarad.
Y SERONYDD.
WYBRAU Ion i'r Seronydd a'u dwyf hoen
Ynt rodfeydd ysblenydd;
I drumau draw, ei drem drydd
A'i Dduw wêl—try'n addolydd.
"Y NHW." (2)
"NHW" yw'r Papyr Newydd—a waeddant
Yn ddyddiol drwy'n broydd,
Deulu Baal dweyd chwedlau bydd
Y giwaid yn dragywydd.
Y CYBYDD.
HEN gybydd, nid oes gobaith—i gynull
Digonedd i'w anrhaith;
Ond obry mewn llety llaith
Ei ddigonedd ga' unwaith!
