I'r chydig etholedigion—fyw'n wych,
Yn uchel degwch oludogion.
Ond Iesu, ceisio lluoedd
I wych stad mawrhad yr oedd;
Dyfod a wnaeth i'w codi
O dlodi i oludoedd.
I'w rhoi'n fonheddig ddigoll
Ei dda'i Hun a wariodd oll.
Ond pa ryw ddrud oludoedd,
Pa ryw eiddo iddo oedd?
Iddo nid oedd ond ei wan,
Ei wael anadl ei Hunan.
A'r Gŵr ei Hun ar y groes,—ynghanol
Ing enaid a chwerwloes,
Yn ddewr a rhydd, wir, y rhoes
Ei hoedl, anadl ei einioes.
Yr eiddo oll a roddes,
Ie'n hael iawn; ond pa les ?
Wedi'i ddiarbed ddirboen,
I ba beth y bu ei boen?
Be delai i̇'r byd eilwaith,
A cheisio gweithio'r un gwaith;
Annerch uchelwr gwrol
A lleferydd ei ffydd ffôl:
