Tudalen:Caniadau Watcyn Wyn.djvu/124

Nid pigion pendefigol,
Na neb o waed daearol,
Ond y gwaed coch cerddorol,
Yw 'r unig beth gofynol,
Yn safon ymherodrol,—
Y Cor Mawr!

Ond gosteg dyna Engine,—
Y Cor Mawr,
Yn rhoddi sŵn i gychwyn,
I'r Cor Mawr;
Nid sŵn i gychwyn canu,
'Caradog' sy'n gwneyd hyny,
Ond sŵn i fyn'd er hyny—
I fyn'd i lawr neu fyny—
Am byth—Anrhydedd Cymru,
Sydd 'n awr rhwng CAEL & CHOLLI,
Y Cor Mawr!

A weli di flaenoriaid,—
Y Cor Mawr,
Yn pacio i fyny ddeiliaid,—
Y Cor Mawr;
'Caradog' a 'Brythonfryn,
A'r blewog 'Ganon Jenkyn,'
A'Doctor Price' fel crotyn,
Yn ceisio gwneuthur pobun,
I deimlo 'n nhre am dipyn;—
A thyna 'r Cor yn cychwyn,—
Ffwrdd yn awr!

Mae Hip Hwre 'n cyrhaeddyd,—
Y Cor Mawr,
A Hip Hwre 'n dychwelyd,—
O'r Cor Mawr
Pob perchen cêg yn gwaeddi,
Yn bloeddio â'i holl egni