Tudalen:Caniadau Watcyn Wyn.djvu/125

A'r Hip Hwre 'n gwasgaru,
Drwy holl Ddeheudir Cymru,
Pawb ond y North 'ran hyny,
Yn teimlo ac yn taflu
Eu Hip Hwre i helpu,—
Y Cor Mawr!

"Fe aeth y Tren i golli,—
A'r Cor Mawr,
Mae'r cyfan wedi tewi,—
Dyna 'i 'n awr."
I golli:—nage i ennill,
Fi fentra bymtheg pennill,
Beth wyddot ti,—ffŵl Ebrill,—
Am Gor Mawr!

Aeth llawer Tren oddiyma,——
Cyn yn awr,
Ond hwna, 'r Tren diwedda',
Oedd y mawr;
Mae sôn am Drens barddonol,
A llawer peth cynffonol,
Ond y prif Dren Cerddorol
Fu erioed yn rhedeg heol,
Oedd hwna, Tren Neillduol,—
Y Cor Mawr!

Mae Trens y llinell hono,—
'Bu 'r Cor Mawr,
Fel wedi'u cerddoreiddio,—
A'r Cor Mawr;
Maent 'n awr yn cadw amser,
A chwiban mewn eglurder,
A'r pwff yn rhywbeth seinber,
A mân welliantau lawer
A ellir ro'i ar gyfer,—
Y Cor Mawr.