Prawfddarllenwyd y dudalen hon
A cherddi'r adar mân
Yn tynu eu gilydd
I uno yn y gân,
Y'nghan y boreu newydd;
Y fronfraith a'r aderyn dû,:
'N cystadlu'r boreu hwnw;
A chlywid pig pob perchen plu,
Yn uno yn y berw;
A mil a myrdd o adar mân,
I'r gwanwyn gwyrdd yn chwiban cân;
Ond dyna lais yn d'od o'r coed,
Uwchlaw y cwbl,
A dery'n calon yn ddioed—
Hen nodyn dwbl
Y Gwcw!
YR ADERYN DU.
AR lwyn yn oriel anian—o'r drain daw'r
Aderyn dû allan;
Chwery ei bib aur i chwiban
Ei frig hwyr a'i foreu gân.
DRINGO'R MYNYDD.
DRINGO'r mynydd, hapus daith,
Er mai caled yw y gwaith;
Wedi cyrhaedd idd ei ben,
Cawn ein hanadl yn y nen!
Dringo bron y mynydd serth,
Colli'n hanadl, enill nerth;
Dringo i fyny—fyny o hyd,
Ar ei ben mae gwel'd y byd.
