Gwirwyd y dudalen hon
RHYFEL
Pa beth a erys i'r meddwon
Ar ryfel pan ddelo i ben?
Trethi trymach a gweddwon,
Tlodi a choesau pren.
Y BENTHYCIWR
Dywedodd rhywun call, (a throsi ei iaith),
'Na fydd fenthyciwr, nac echwynnwr chwaith.'
Ai Shakespeare oedd y rhywun hwnnw? Trof
I'm silff i weld ai cywir yw fy nghof.
Chwilio am Weithiau'r Bardd, ond dim yn tycio,
Mae rhyw ddyhiryn wedi eu benthycio.
YN ÔL HEN LANC
"Gwell gwae fi na gwae ni ;" 'oes eisiau nodi
Bod hwn yn gyngor rhag priodi?
CREDO AC ELW
Rhyfedd mor aml y try credo dyn
Yn elw iddo'i hun.
