Gwirwyd y dudalen hon
ADDFETACH BARN
Gynt, marw erddi a wnawn heb gwyn,
Ond heddiw gwn ei deunydd,
Gwell fyddai marw er ei mwyn
Na byw'n ei chwmni beunydd.
EI FWYNHAU EI HUN
"Mwynheais eich ymgom yn fawr,"
Meddai'r clebryn, gan droi
O'r diwedd at ei wrandawr
Heb sylwi bod hwnnw ers awr
Wedi ffoi.
SERCH O FLAEN RHESWM
Syrthio mewn cariad, a phriodi'r fun,
Rhesymu wedyn, dyna arfer dyn.
DAMWAIN YN Y BLACOWT
Digwyddodd damwain erch
Mewn blacowt yn y wlad
Bwriadai Dai ei gusan serch
I'r eneth, nid i'w thad.
