Gwirwyd y dudalen hon
DIM OND DEFNYDD TÂN.
(Barn Henwr o'r wlad).
Er yn sgolor a sboniwr sy'n deilwng o glod,
Ac yn ffrind a chymydog o'r clena',
Mae ei bregeth mor sych a phe bai wedi dod
O bentan Gehena.
SAFON
Ymchwydda'r balch wrth weld bod rhai
O'i gylch o hyd sy'n gwybod llai;
Erys y difalch yn wylaidd drwy
Gofio rhai'n gwybod llawer mwy.
GWIRIONEDD MOEL
(Profiad aml)
Myned i'r ffair i brynu gwlân,
Dod adre' wedi 'nghneifio'n lân.
NEB YN CYSTADLU
Ei garu ei hun a wnai Bil y Twyn
Yn fwy na'r un mewn gwlad a thref,
Ac ni bu neb yn ceisio dwyn
Ei gariad oddiarno ef.
