Gwirwyd y dudalen hon
CLWTFAB
Mae pregethwr yn byw 'Mhentre-clwt
A'i ddoniau yn boenus o bwt,
Ond daeth 'nôl o'i deithiau
Drwy'r Unol Daleithiau
A'r wyddor i gyd wrth ei gwt.
HEICIO
Meddai Wil ar ôl dwy awr o heicio
'Mae 'nghoesau i'n barod i streicio,
Dyma hogen wrth rôd
Ei char modur yn dod
Beth am lifft? Dyna'r heicio 'rwy'n leicio.'
GOCHELION
i
Gochel echwyn gan dy gâr,
A gochel ŵr cribddeiliog,
Gochel dŷ lle byddo'r iâr
Yn canu'n uwch na'r ceiliog.
ii
Gochel y Bardd ar Daith, fe all fod stoc
O'i gerddi diweddaraf yn ei boc.
