Gwirwyd y dudalen hon
ii
Cynhelir 'Steddfod fawr yn Llan-y-marian
Er mwyn diwyllio'r bobol, nid gwneud arian.
iii
Llyfrau Cymraeg, filoedd ar filoedd sydd
Yn gwerthu o Gaergybi i Gaerdydd.
iv.
Fe drefnir Cyrddau Mawr gan ein henuriaid.
Ym Methel, er mwyn achub pechaduriaid.
V
Dwedir bod Moses Isaac Aaron
A'i fusnes yn llewyrchus yn Nhregaron.
CYMRU HEDDIW
i
Y TŶ
Dyddiau'r wythnos a dy' Sul
Byw mewn stafell glôs a chul
Yn y cefn,
Dyna'r drefn.
Rŵm y ffrynt dan glo fynycha',
A phictwrau, nid o'r gwycha'
Ar y wal,
Da'-cu, mam-gu, a Nanti Sal.
