Yn addurnedig â llawer o gerfluniau tra harddwych.
CEINION
LLENYDDIAETH GYMREIG:
YN CYNNWYS DETHOLION O WEITHIAU PRIF FEIRDD
AC YSGRIFENWYR RHYDD-IEITHOL Y DYWYSOGAETH, O'R BEDWAREDD GANRIF
AR DDEG HYD YR OES HON;
YN NGHYDA
DARNAU DETHOLEDIG O GYFANSODDIADAU RHAI O'R AWDWYR SEIS'NIG, WEDI EU CYFIEITHU YN
FWRIADOL I'R GWAITH HWN.
DAN OLYGIAD Y
PARCH. OWEN JONES,
GOLYGYDD CYMRU," ETC.
AMCAN y Gwaith presenol ydyw darparu i drigolion y Dywysogaeth arlwy
ddifyrus a buddiol ar gyfer eu horiau hamddenol, yn nyddiau heuldes yr
haf, neu nosweithiau ystormus gauaf. Wrth geisio cwblhau yr amcan yma, y mae
y Golygydd yn bwriadu gosod o flaen ei ddarllenwyr ddetholion wedi eu crynhoi
o amrywiaeth tra mawr o dardd-leoedd, y rhai yn nghyd a gyflwynant y cynnrychioliad helaethaf a mwyaf deniadol o weithiau ysgrifenyddion brodorawl,
mewn barddoniaeth a rhyddiaith, a gyhoeddwyd hyd y pryd hwn; ac mewn
gwirionedd yn ffurfio blodiadur o'r fath fwyaf amrywiol a dyddorol.
Gan mai Barddoniaeth ydyw yr arwedd fwyaf arbenig a chenedlaethol o lenyddiaeth Gymreig, rhoddir detholion tra helaeth o gyfansoddiadau y prif feirdd
megys-
- IOLO GOCH.
- DAFYDD AB GWILYM.
- RHYS GOCH ERYRI.
- DAFYDD NANMOR.
- RHYS NANMOR.
- SION CENT.
- LEWIS GLYN COTHI.
- TUDUR ALED.
- SION TUDUR.
- WILLIAM CYNWAL.
- EDMWND PRYS.
- GRUFFYDD HIRAETHOG.
- SIMMWNT FYCHAN.
- GRUFFYDD PHYLIP.
- RHISIARD PHYLIP.
- SION PHYLIP.
- WILLIAM PHYLIP.
- LLEWELYN DDU.
- GORONWY OWAIN.
- DAFYDD DDU ERYRI.
- DEWI WYN.
Ac amryw eraill o Feirdd Cymreig, a flodeuasant o'r bedwar ganrif ar ddeg hyd y bedwaredd ar bymtheg, gan derfynu gyda detholion o weithiau prif Feirdd yr oes hon. Cynnwysa y detholiad lawer o hen gyfansoddiadau barddonol o ddyddordeb mawr a pharhaus, na buant argraffedig o'r blaen, y rhai a gafwyd o ysgriflyfrau gwerthfawr a gedwir yn llyfrgelloedd pendefigion a bonedd Cymru, y rhai yn garedig a ganiattasant eu gwasanaeth i'r Golygydd. Rhag-ddodir i'r cynnrychion o ysgrifenadau pob bardd, sylw ar yr Awdwr, a'i gyfansoddiadau; ac fe'u dylynir âg ychydig Nodiadau eglurhaol, lle y bernir y bydd hyny yn an-
