O Cymru (gol O.M.Edwards), Cyfrol XV, Rhif 87, 15 Hydref 1898, tudalen 184
.jpg)
GOLEUFRYN.
I.
OLEUFRYN—oedd ein cyfaill cu:
Ac O! mor chwith rhoi amlen ddu
I'w gerdyn coffa. Treuliodd ef
Ei oes dan weddnewidiad Nef.
II.
Bu llygad Cymru'n syllu'n syn
Ar heulwen Duw'n taenellu'r bryn;
Ac yn ei lewyrch rhodiai hi
Ymlaen i'w hetifeddiaeth gu.
III.
O fwyn Oleufryn! gennad hedd,—
Dy bregeth oedd yn felus wledd;
A'th ddawn fel gorfoleddol win
O windy Duw yn golchi'th fin.
IV.
O lenor hyfedr, coeth, a llawn;
A'th bin fel cledd o blaid yr iawn;
Ti holltaist ben Philistiaeth gwlad
A'i ffolinebau, pwy a wâd?
V.
Ti dreuliaist oes o lafur llwyr,
A gorffen wnest cyn gweled hwyr;
A phan gyrhaeddaist fin y glyn—
'Roedd goleu'r Nef yn llenwi'r bryn.
VI.
Mor hyfryd marw yn y dydd,
Dan ddisglaer weddnewidiad ffydd;
Mor hyfryd esgyn Pisgah oes—
A'r bryn yn wyn dan wawl y Groes.
VII.
Oleufryn fad, mewn gwlad ddi-glwy'
Ni welir haul yn machlud mwy;
Dy enw byth gaiff bara'r un—
O dan ganolddydd Duw ei Hun.
—JOHN T. JOB.
Y Carneddi, Medi 23ain, 1898.
