Gwirwyd y dudalen hon
A'n Gorsedd dangnefeddawl,— mewn cynghan
Gu mae anian heddyw yn gymunawl!
Mae rhiwiau trumau 'r awel—a'u haddurn
Oll heddyw fel Carmel,—
Ar bob llaw, mor dawel—ogoneddus
Yw wybren iachus y bryniau uchel!
Tyrau draw yn gwawdiaw gwynt
Tyrau natur iawn ytynt,—
Eu cestyll yn sefyll sydd
I wirioni'r Awenydd!
Uwch y wlad iach oludog,—gwel hyfion
Benau brych wynion Banau Brycheiniog.
Hyd y maes blodeua mill
A gwên dydd, yn ganaid oll,—
Yn y pur chwaon heb ball
Arogl myr dreigla ym mhell.
Hen dyrau oesawl ein dewrion—yma
Dremiant i'r uchelion,—
I wyliaw ein halawon,—hyd riniogydd
Drysau 'u parwydydd gwrendy 'r ysprydion.
Ar ael nef yn moli defod—anwyl
Ein henwog Eisteddfod,—
Clywch delynog geinciog gân
Brychan o'r wybr uchod.
