Emynnau
Cariad crist
Dyma gariad fel y moroedd,
Tosturiaethau fel y lli;
Tywysog Bywyd pur yn marw,
Marw i brynu'n bywyd ni;
Pwy all beidio cofio amdano?
Pwy all beidio canu 'i glod?
Dyma gariad na a'n anghof
Tra bo nefoedd wen yn bod.
Ar Galfaria yr ymrwygodd
Holl ffynhonnau'r dyfnder mawr;
Torrodd holl argaeau'r nefoedd
Oedd yn gyfain hyd yn awr;
Gras a chariad megis diliw
Yn ymdywallt yma'n nghyd,
A chyfiawnder pur a heddwch
Yn cusanu euog fyd.
Hawddgarwch Crist.
MARCHOG yn dy degwch dwyfol, |
