Difyrrach i'm hadferyd,
Glân barth, nag elïon byd.
Hyfawl, hardd, dihafal hon,—gan enwog
Anianol gynyrchion;
Yn drafflith pob bendithion,
I'w thecâu o radau'r Iôn.
II. HEN BRYDAIN.
Da i hon oedd dyfodiad Hu—Gadarn,
A'i giwdawd addwyngu,
Mewn hedd i gyfaneddu,
Ddidrais lwyth, a dirus lu.
Ffraw bennaeth o Ddeffrobani,—neud dewr
Anturiodd y weilgi!
Chwimwth a'i leng uwch maith li
Chwai 'r hwyliodd uwch yr heli.
Yr helaeth dir rheolynt,—gwyr moesawl
A grymusion oeddynt,
Ac undeb cadarn arnynt,
Unawl gorff er Dyfnwal gynt.
Y gwyr da oll coffaer,
Wych saint, tra llewyrcha ser;
O iawn barch eu henwau byth
Yn ddilyth tragwyddoler.
Eu cais gynt, dda hynt, oedd hau
Had addysg yn eu dyddiau.
Celfydd er Coel a fu ddoeth:
Syw er Morddal, saer mawr-ddoeth
Yn annatodol y gwnaeth ein teidiau
Ar y tiredd y cestyll a'r tyrau;
Do'r magwyrydd a'r uchel-drem gaerau,
Hynod oludawg hen adeiladau.
