Tudalen:Gwaith Dewi Wyn.djvu/30

Prawfddarllenwyd y dudalen hon

Hyd ennyd marwnad anian,
Boed onid el byd yn dân.

Y Beibl Cymraeg.

Rhynges bodd i'r Iôn roddi
Haul nef i'n goleuo ni;
Ei ddoeth Air coeth, athraw cain,
Yn ein hen—iaith wiw 'n hunain.
Rhodded areithwyr hyddysg
Egni dawn yn eigion dysg.
Er cof fyth o'r cyfieithwyr,
Sal'sbury, a Pharry, hoff wyr;
Hoff enw'r golygwr glân,
Mawryger Wiliam Morgan.


III.—AMDDIFFYNWYR YR HEN BRYDAIN.

A geir adrodd gwrhydri
Ein gwychion henafion ni?
Hwynthwy a ddiffynnynt hon,
Weis dewraf, ynys dirion.


Dewrder ein Hynafiaid.

Brodyr iawn ddewrion mewn brwydrau'n ddirus,
Cyd-redeg, heb atreg, yn ddibetrus,
I ladd arfogawl luoedd rhyfygus,
A'u trywanu mewn modd truenus.

Dilwgr waelod yn dal gwroliaeth,
Megys Eidiol gyflymgais odiaeth;
Llymion eryron oll mewn aerwriaeth,
Teirw 'n hwylio, anturio 'n helaeth,
Llarpio, rhwygo rhywogaeth—plant estron,
Baeddu gâlon mewn buddugoliaeth.

Er gwyr arfawg, tariannawg, terwynion,
Ni rusent, ymroddent: O, mor ryddion!