Yn cludog, gyfoethog fythoedd;
Cyn hir, eneinir hwy'n frenhinoedd;
Tro nesaf, ca'nt deyrnasoedd—i'w mwynhau;
Heb naws o eisiau:—byw'n oesoesoedd.
Lot a roddodd lety, o'r eiddo,
I engyl nef; haddef yw iddo:
Mwy'r fraint a'r haeddiant i a'i rhoddo,
I'w brenhinoedd, heb arian, heno.
Cardotyn, bid cariad ato;—weithion,
Mynnodd y breision ym yn ddibrisio;
Cardotyn fydd, cred eto,—yn nheyrnas
Duw, a deg dinas odidog dano.
Rhoi bwyd sy' well na'r bydoedd—i fagu
Pendefigion nefoedd:
Groesawu gwyr sy' ar goedd,
Fry'n eu henwau'n frenhinoedd.
Darbodaeth Awdur bydoedd,
Wrth ei air a'i gyfraith oedd:
Ordinhad, ni roed o nef,
Fwy diddadl i fyd addef.
Pennod heb raid esponiaw;
Amlwg ar bob llwg a llaw.
Hen Feibl, a hwn o'i faboed,
Sydd dros yr achos, erioed;
Yr Iubili ar ei blaid;
A degwm, dâl bendigaid;
Tâl ydoedd i'r tylodion;
A thâl at wasanaeth Iôn.
Ys dyunwyd ei hachos daionus,
A'r dwyfawl, gynaddawl gogoneddus;
Am hyn rhaid addef mai anrhydeddus,
Yw gwneuthur Elusen i'r anghenus:
