Prawfddarllenwyd y dudalen hon
Dan ddeudyd "Gwae honno" er ceisio, a'm nacâdd,
Moes gusan, moes gael
Mwyn eirie, main ael,
A phardwn a phurdeb diweirdeb di-wael;
Moes galon lwys lawn
Garedigrwydd a dawn,
Tiriondeb, ffyddlondeb, uniondeb yn iawn;
Ystyria, moes di,
Lliw ewyn y lli,
Drugaredd gyfannedd, M waredd i mi.
OFERGOEL AC ATEB.
YR OFERGOEL.
RHYW loer a enir ar lân—osodiad,
Ddydd Sadwrn pasg bychan;
Yr ail Iau ar ol Ieuan,
Uwch y tir, gwyliwch y tân.
ATEB.
Dyma'r dyw-Iau clau teg glân—oleudes,
Ail gwedi gwyl Ieuan;
Mae'r gelwyddog ddarogan?
Mae'r famiau dur? Mae'r fflam dân?
Ni wyr dynion son ond y SYDD—neu y FU,
Na wnawn fost o'n gwagffydd;
Duw Ior cun, awdwr cynnydd,
A'i wir Fab, a wyr a FYDD.
