Tudalen:Hwian-gerddi Cymraeg 'F Ewyrth Huw.djvu/12

Yr Hin-Fynegydd.

Mae gan i, ac mae gan lawer, Gloc ar fur i gadw amser; Mae gan Moses, Pant-y-maesydd, Un yn ty i gadw tywydd. Trowch ei fys ef ar yr aswy, Fe ddaw gwynt a gwlaw ofnadwy;

Os bydd eisieu'r storm ostegu Yn y funud trowch o i fyny. Trowch ei fys ef tua'r dehau, Try yr hin a daw taranau; Pan ddaw gwlaw i'n cyfarfodydd Awn at Moses, Pant-y-maesydd.

Mae yn Nghaerfyrddin flawd ar werth,
Yn Rhondda berth i lechu;
Mae yn llyn Tegid ddwr a gro,
Ac efail go' i bedoli,
Ac yn Nghastell Dinas Bran
Farcutan wedi boddi.

Mae genyf ebol melyn, Yn myn'd yn bedair oed, A phedair pedol arian O dan ei bedwar troed; Fe reda ac fe gampia Oddi yma i'r Felin Wen; Fe red dros ugain milldir Cyn tynu'r ffrwyn o'i ben.

Wanar yn twar Yn ticar yn ten, Potel o finegr, once again; Cwesy, Cwesy, my good lady, O U T— out, Gwialen fedw Robyn Stowt; Crwtyn bach, mab i wrach, Dos di allan leidr bach.

Dwy wydd radlon, yn pori 'n nglan yr afon,
Yn rhadloned a'r rhadlonaf wydd, dwy wydd radlon.